Dis nie sommer dat ek iets teen my sin doen nie, maar blykbaar het ek nie ’n keuse gehad nie 😄 — spanwerk! So hier tik ek nou op my foon, in ’n mengsel van Afrikaans en Engels — ‘suiwer taal’.

Ek deel my unieke herinneringe binne ’n konseptuele raamwerk, kortliks. Gelukkig is ons lankal verby die punt waar ons omgee wat ander mense dink. My filosofie: mis uit sonder my 🤣!

Ek arriveer in die tweede kwartaal van Standerd 5 by Laerskool Menlopark, vanaf Pietermaritzburg.

Kosbare maats in groepsverband — spanwerk is steeds belangrik in my lewe:

• Anna (melkkoffie in die kombuis),
• Ingrid Muller (plotkuiers),
• Stella (die perd gooi my af op die plaas),
• Ingrid van Rensburg (tweelingsussie),
• Odette (ons maak waterbottels vol tussen pouses),
• Christelle Taljaard (grimering en eetplanne),
• Maude en Nuts (ons lag lekker),
• Marion (ons deel geheime).

Daar was nog vele ander. Spesiaal.

Ons groep was kreatief en vol planne. Ons het soms ‘gebank’ by Plankie — kom dan huis toe, rooi gebrand en met koors in die bed. Een keer besluit ek, Tilde (en dalk Anna) om ná pouse met ons fietse deur die bo-hek uit te glip — huiswerk was nie klaar nie. Die houtwerkonderwyser op die motorfiets trek ons net voor Lynnwoodkerk van die pad af!

 Skooldae herinneringe

• Huishoudkunde was nie my sterkpunt nie — my ma moes help met die naaldwerk.
• Bak- en broupunte? Bitter min. Jammer vir die maat wat saam moes bak.
• Fietsry skool toe: Ek haal Tilde en Anna op, of Elize Pretorius en Maryke. Hoë handvatsels, vryhand-ry teen afdraandes — Tilde val by Hillside, ek lag. Ek weet, dis lelik — maar ek hou my pose.

Onvergeetlike skooltoer

Saam met mnr. Baardman (biologie) na Botswana, kamp by ‘Moremi Beach’. Ingeënt teen slaapsiekte. Aap in boom. Onthou: Ingrid en Deon, Stella (ons koop kakieklere by OK), Arrie. Land Rovers deur moerasse tot by Victoria Falls.

Na skool

• Ek mag nie tik geneem het nie, maar moes dit vinnig leer — op ’n elektriese tikmasjien nogal. Anders was ek werkloos.
• Vakansies in Margate en Durban: Blue Lagoon saam met ouers, Stella, Marion, Etienne — en vind vir Maude. Gekys!
• Plate vir R5 gekoop — moes ‘in’ wees, al verstaan ons nie die lirieke nie.

My lewensreis

• Warrelwinde troue in 1977, net 18 maande lank, geëindig in Windhoek — dit tel nie.
• In Namibië (1977–1990): Hentiesbaai, Swakopmund — leer visvang, vleisverwerking, nagoes skiet, lewerpofadder maak.
• Trou met Julius Jooste, geoktrooieerde rekenmeester. Vier kinders, almal in Windhoek gebore.

Kinders

1. Oudste: Getroud met Jurie, predikant in Duitsland. Kleinseun Juwald — rooikop.
2. Riaan: Getroud, petroleumindustrie. Dogtertjie Rian, amper 5, Johannesburg.
3. Michelle: Spesialiseer in ginekologie, oor 3 jaar na VSA. Pretoria.
4. Christopher: Getroud, twee seuns, Samantha 3 jaar oud. Bestuurder in petroleum, LA.

Ekself

• Wou argitek word, gekeur vir fisioterapie, studeer verpleegkunde. PhD in 1979.
• Werksaam by universiteite in Namibië, Unisa, UJ, direkteur in Wes-Kaap, hoof van departement by Cape Peninsula University of Technology.
• Woon eers in Klein Windhoek, toe Ludwigsdorf, Moreletapark, Kungwini Estate, nou Hermanus.
• My nisgebied is  selfleierskap en gesondheidsbestuur en ek is n NRF-gegradeerde navorser.
• Tans is ek n besoekende professor  by IUM in Windhoek, adjunct-professor by CPUT, professor by die Universiteit van Limpopo en ereprofessor aan die Universiteit van Swansea, Wallis.
• Ek werk met nagraadse studente, redigeer akademiese joernale en het agt boeke gepubliseer.

• Lid van die Suid-Afrikaanse Raad op Verpleging en genoot van die Verpleegkunde Akademie van die VSA.
• Lid van die Nasionale COVID-komitee saam met Dr. Karim.
• Verskeie nasionale en internasionale toekennings as navorser insluitend in 2024 die Voorsitterstoekenning vir bydrae tot verpleging en gesondheidsorg.
• Spreker by meer as 70 internasionale konferensies in verskillende lande asook verskeie radio- en TV-onderhoude gevoer.

• Akademikus in murg en been.

Hoogtepunte

• Helikopter oor Grand Canyon
• Wimbledon: Steffi vs. Williams
• Agassi op hoofbaan, met strawberries & cream
• Grotto in Laagwster, Italië
• Ysland en al die eilande
• Glybane by Ratanga Junction saam met kinders
• Hardloop 10 km op verjaarsdag

Hartseer

In 2016 verloor ek Pa-Mike, my ma, my pa en my eggenoot — binne nege maande. In die tiende maand moes ek ’n senior pos by CPUT aanvaar.

Nou

Ek is content. Baie gebless. Ek gaan my bes probeer om julle in September te sien. Dankie dat ons kan deel.